उपाहार न्यूज
उदयपुर असार १०
बेलका नगरपालिकाले निर्माण गर्न लागेको अक्सिजन प्लान्ट निर्माणको लागि सेवा फाउण्डेशनबाट ३० लाख सहयोग प्राप्त हुने भएको छ । युवा समाजसेवी भागवत राउतको विशेष पहलमा अक्सिजन प्लान्ट निर्माणको लागि सेवा फाउण्डेशन मार्फत ३० लाख रकम जुटेको हो ।
सेवा फाउन्डेसन नेपालको कन्ट्री डाईरेक्टर राम प्रसाद कडेल,नेपाल नेत्र ज्योती संघका केन्द्रिय महासचिब भरत बहादुर चन्द, नेपाल नेत्र ज्योति संघ उदयपुरका अध्यक्ष भागबत राउत र बेलका नगर पालिकाका नगर प्रमुख दुर्गा कुमार थापा (स्वस्ती) बिच संयुक्त छलफल पछि आर्थिक सहयोगको लागि अगाडि बढेको नेपाल नेत्र ज्योति संघ उदयपुरका अध्यक्ष भागबत राउतले जानकारी दिए ।
अक्सिजन प्लान्ट निर्माणका लागि हाल जनस्तरबाट १० लाख र उदयपुरका स्थानिय तहहरुबाट ६० लाख रुपैया प्राप्त भैसकेको बेलका नगरपालिकाले जनाएको छ ।
कोभिड १९ को महामारीमा फाउण्डेसनले बजेट छुट्याउनै पर्ने भएको हुदा यो रकमलाई उदयपुरको बेलका नगरपालिकामा निर्माणधिन अक्सिजन प्लान्टमा निर्माणमा सहयोग गर्न लागेको फाउण्डेशनले जनाएको छ ।
