उपहार न्यूज
चैत ३
राष्ट्रिय युवा संघ नेपालको शिक्षा विभागले युवा साहित्य सम्मेलन २०८१ अन्तर्गत कविता र गजलको ग्रान्ड फिनाले शुक्रबार भएको छ। सम्मेलनमा कवितातर्फ उदयपुर गाईघाटका जीवन आरोही राईले प्रथम हुँदै ५० हजार रुपैयाँ जितेका छन् । प्रतियोगितामा रविना कँडेल दोस्रो र सन्तोष पौडेल तेस्रो भए । उनीहरूले ३० हजार र २० हजार रुपैयाँ जितेका छन् ।
गजल प्रतियोगितातर्फ प्रथम भएर दैलेखका दिपिन सिजापतीले ५० हजार रुपैयाँ जिते । दोस्रो भएका अंकित आचार्यले ३० हजार र तेस्रो भएका खिमानन्द जोशीले २० हजार रुपैयाँ जिते ।
गजलको ग्रान्ड फिनालेका निर्णायक बाबु त्रिपाठी, संगीता थापा र प्रज्ज्वल अधिकारी थिए । कवितातर्फ निर्णायकमा ज्योति जंगल, गीता त्रिपाठी र ललिजन रावल थिए ।
साहित्य सम्मेलनअन्तर्गत विभिन्न विधामा उत्कृष्ट युवा शुक्रबार नै पुरस्कृत भए । ४० वर्षमुनिका युवारुलाई लक्षित गरेर आयोजित राष्ट्रव्यापी वक्तृत्वकला प्रतियोगितामा भक्तपुर मल्टिपल क्याम्पसकी विनिता तामाङ प्रथम भइन् । काभ्रेकी उनले १ लाख रुपैयाँ जितिन् ।
दिग्विजय लामिछाने दोस्रो र इशा थापा तेस्रो हुँदै ५० हजार र ३० हजार रुपैयाँ जिते । निबन्धतर्फ मनोज बुढा प्रथम भए । उनले ५० हजार रुपैयाँ जिते ।
यस्तै दोस्रो भएकी ज्योति घिमिरेले ३० हजार र देबु गिरीले तेस्रो हुँदै २० हजार रुपैयाँ जितिन् । कार्यक्रममा युवा वैज्ञानिक निश्चल बानियाँ र डा। प्रकाश महतलाई सम्मान गरियो । रसम्मेलनमा देशभरका एक हजार २०० भन्दा धेरै युवाले हभागिता जनाएका बताए ।
