उपहार न्यूज
उदयपुर चैत २०
उदयपुरमा यातयात व्यवस्था सेवा कार्यालय गाईघाटको सहि छापको झुट्टा लिखत बनाउने एक जना युवकलाई प्रहरीले पक्राउ गरी कानुनी दायरमा ल्याएको छ । खोटाङ जिल्लाका केहि सेवाग्राहिहरुको मोटरसाईकल, स्कुटरको सवारी दर्ता किताब र बीमा नविकरण गरिदिने आश्वासन दिलाई झुट्टा लिखत बनाएको भन्दै पिडितले जिल्ला प्रहरी कार्यालय उदयपुरमा जाहेरी पेश गरेका थिए ।
पिडितहरुको जाहेरीको आधारमा लिखत सम्बन्धी कसुरमा सप्तरीको राजविराज नगरपालिका वडा नम्बर ३ हनुमान चौक घर भई त्रियुगा नगरपालिका ११ पुरानो गाईघाटमा बस्दै आएका ३२ बर्षिय विवेक थापामगरलाई प्रहरीले पक्राउ गरेको थियो । मगरलाई पिडितलको जाहेरी दरखास्तको आधारमा गत फागुन २० गते नियन्त्रणमा लिई अनुसन्धान गरिरहेको थियो ।
प्रहरी अनुसन्धानको क्रममा उदयपुर र खोटाङका केही व्यक्तिहरुबाट सवारी दर्ता किताब नविकरण गरिदिने भनी सवारी दर्ता किताब र नगद समेत लिई यातायात व्यवस्था सेवा कार्यालय गाईघाट, उदयपुरको कार्यालयको सहीछापको झुट्टा लिखत बनाएको खुलेको छ । अनुसन्धान कार्य सम्पन्न गरी मगरलाई सम्मानित उदयपुर जिल्ला अदालतमा पेश गरेकोमा लिखत सम्बन्धी कसूरमा चैत १९ गतेको आदेशले पुर्पक्षको लागि जिल्ला कारागार उदयपुरमा पठाईएको जिल्ला प्रहरी कार्यालय उदयपुरले जनाएको छ ।
