उपहार न्यूज, उदयपुर कार्तिक ११
त्रियुगा नगरपालिकाको स्वास्थ्य शाखाद्वारा आयोजित ूडेङ्गी रोग रोकथाम तथा नियन्त्रणू अभियान प्रभावकारी रूपमा सम्पन्न भयो। नगर प्रमुख वसन्त कुमार बस्नेतको अध्यक्षतामा भएको कार्यक्रममा प्रमुख जिल्ला अधिकारी हरि प्रसाद घिमिरे नगर प्रमुख महेश्वरी राई विशेष अतिथि रहेका थिए भने पशुपति गण प्रमुख शिव प्रसाद वाग्ले, जिल्ला प्रहरी कार्यलय प्रमुख एसपी हरिहरनाथ योगी, र सशस्त्र प्रहरी बल बोक्सेका प्रमुखले पनि विशेष सहभागिता जनाए।
त्रियुगा नगरपालिकाको वडा १०, ११, १२, र १३ मा संयुक्त रूपमा गरिएको उक्त कार्यक्रमको मूल उद्देश्य डेङ्गी रोगको जोखिमबारे जानकारी गराउनु, लामखुट्टेको लार्भा खोजेर नष्ट गर्नु, र सरसफाइ अभियानलाई प्रोत्साहन गर्नु थियो।
अभियानमा जनप्रतिनिधिहरूसँगै नेपाल प्रहरी, सशस्त्र प्रहरी, नेपाल आर्मी, नगर प्रहरी, स्वास्थ्य स्वयंसेविका र स्वास्थ्यकर्मीहरूले समेत सक्रिय भूमिका निर्वाह गरे। विशेष गरी, बजार परिक्रमा कार्यक्रममा स्थानीय बासिन्दालाई डेङ्गीका जोखिम, लामखुट्टेको लार्भा पहिचान र नियन्त्रण विधिबारे सचेत तुल्याउन व्यापक जनचेतना फैलाइएको थियो।
डेङ्गी नियन्त्रणका लागि गरिएको यो कार्यक्रमले समुदायमा राम्रो प्रतिक्रिया पाएको छ। जनप्रतिनिधि, स्वास्थ्यकर्मी र सुरक्षाकर्मीको सहभागिताले स्थानियबासीमा विश्वासको भावना सिर्जना गर्दै उनीहरूलाई स्वास्थ्य जोखिमप्रति सचेत हुन र आवश्यक सावधानी अपनाउन प्रेरित गरेको छ।
कार्यक्रमपछि स्थानीय समुदायले यस्तो खालको अभियानले उनीहरूलाई सरसफाइ र डेङ्गी नियन्त्रणका उपायहरूबारे जागरुक बनाएको प्रतिक्रिया दिएका छन्। यसबाट समुदायलाई लामखुट्टेको बासस्थान र लार्भा नष्ट गर्ने विभिन्न विधिबारे थाहा पाउन मद्दत मिलेको छ।
डेङ्गी रोगको नियन्त्रणको लागि त्रियुगा नगरपालिकाले देखाएको यो सक्रियता एक अनुकरणीय उदाहरण बनेको छ। यस्ता कार्यक्रमहरू नियमित रूपमा सञ्चालन गरिनु र स्थानीय स्तरमै रोकथामका उपायहरू अपनाइनुले दीर्घकालीन रूपमा स्वस्थ नगर निर्माणमा टेवा पुग्न सक्छ। स्वास्थ्यकर्मीहरूका अनुसार, यस किसिमको अभियानले समुदायलाई स्वास्थ्य जोखिमहरूको सामना गर्न आवश्यक जानकारी र स्रोत साधन उपलब्ध गराउन मद्दत गर्नेछ।
समुदायमा यस्तो प्रकारका जनचेतनामूलक कार्यक्रमले डेङ्गी रोकथाममा दीर्घकालीन प्रभाव पार्ने सम्भावना रहेको छ। यो कार्यक्रमले नगरवासीलाई लामखुट्टेको बासस्थान पहिचान गरी नष्ट गर्न प्रेरित गर्दै नगरको स्वास्थ्य स्तर उकास्न मद्दत पुर्याएको छ।
