उपहार न्यूज
उदयपुर मंसीर २६
एउटै पुस्तामा गाउँलाई समृद्ध बनाउनको लागि अघि सारिएको लिम्चुङबुङ गाउँपालिका उदयपुरको महा अभियान सोमबार एक समारोहका विच हजारौ पालिबासीहरुको सहभागीताका विच घोषणा गरिएको छ । गाउँपालिका केन्द्र बराहमा एक समारोहका विच पालिकाले एउटै पुस्तामा गाउँलाई समृद्ध बनाउनको लागि अभियानको घोषणा गरिएको हो ।
विकासको दृष्टिकोणले उदयपुर जिल्लाकै विकट मानिएको तर पर्यटन, कृषि लगायतका क्षेत्रमा ठूलो संभावना रहे पनि भौतिक पूर्वाधारको भने जस्तो विकास नहुदा र सरकारको नजर नपर्दा विकासमा पछि परेको पालिकाले एउटै पुस्तामा समृद्धि ल्याउनको लागि महाअभियान घोषणा गरिएको हो ।
अभियानको घोषणा संगै रणनैतिक हिसाबले पालिकाले आफ्नो क्रियाकलापलाई अघि बढाउने अठोट राखेको पालिका अध्यक्ष मेजरकुमार राईले बताउनु भयो । महा अभियान घोषणा सभामा बोल्दै कार्यक्रमका प्रमुख अतिथि त्रियुगा नगरपालिकाका नगर प्रमुख तथा उदयपुर विकास बोर्डका अध्यक्ष बसन्तकुमार बस्नेतले लिम्चुङबुङले अघि सारेको अभियानलाई आफुहरु साथ दिन तयार रहेको बताउनु भयो ।
ताप्ली गाउँपालिका अध्यक्ष ढुंगराज विश्वकर्मा, पालिकाका पर्यटन सल्लाहकार तथा पर्यटन व्यवसायी रासुन्दर बकेले समृद्धिको लागि चालिएको महाअभियानलाई सहयोग गर्ने बताउनु भयो । कार्यक्रममा पालिका उपाध्यक्ष पुष्पलाल राईले महाअभियानको कार्यपत्र प्रस्तुत गर्नु भएको थियो ।
कार्यक्रममा बोल्दै महाअभियान कार्यदलका सदस्य तथा एमाले नेता राजकुमार राईले विकासको लागि सबै पक्ष एकजुट हुनु पर्ने बतानु भयो । उहाँले विकासको लागि राजनैतिक आस्थाको भरमा विभाजित हुन नहुने समेत औल्याउनु भएको थियो ।
कार्यक्रममा बोल्दै कार्यक्रमका बोल्दै गाउँपालिका अध्यक्ष मेजरकुमार राईले घोषणा गरिएको महाअभियान लिम्चुङबुङको मात्रै नभएर समग्र जिल्ला र देश बनाउने अभियान भएको उद्घोष गर्नु भयो । गाउँको गरिबि हटाउन र देशलाई समृद्ध बनाउनको लागि अभियान सुरु भएकाले सम्पूर्ण पालिकाबासीहरुलाई अभियानलाई सहयोग पु¥याउनको लागि अध्यक्ष राईले आग्रह गर्नु भयो । कार्यक्रममा स्थानिय कलाकारहरुले विभिन्न सास्कृतिक झाकी तथा चचिर्त गायक दिपक लिम्बु, हास्य कलाकार उमेश राई फुलन्देकी आमाले प्रस्तुती राखेका थिए ।
