उपहार न्यूज
गाईघाट असोज २९
त्रियुगा नगरपािलका वडा नम्बर १० मा वडा स्तरीय युवा खेलकुद विकास समितिको आयोजनामा वडा स्तरीय फुटवल प्रतियोगीता मंगलबारबाट सुरु भएको छ । असोज ९ गते देखि सुरु हुने भनिएको प्रतियोगीता मौसम खराबीका कारण स्थगीत गरिएको थियो । त्रियुगा नगरपालिका १० खसीबजारमा सुरु भएको प्रतियोगीताको मंगलबार एक समारोहका विच प्रदेश सभा सदस्य हिमाल कार्की र एफा केन्द्रिय प्रवक्ता किरण राईले बेलुन उडाएर प्रतियोगीताको उद्घाटन गर्नु भएको थियो । प्रतियोगीताको उद्घाटन खेल त्रियुगा नगरपालिका वडा नम्बर १० र १२ विच सम्पन्न भएको छ । प्रतियोगीतामा त्रियुगा नगरपालिका वडा नम्बर १० ले ट्राईब्रेकरमा चार तीन गोल अन्तरले विजयी भएको छ । निर्धारित समयमा गोलरहित बराबरी भए पछि खेल ट्राईब्रेकरमा धकेलिएको थियो । ट्राईब्रेकरमा वडा नम्बर १० को लागि हेमन्त राई, उज्जल श्रेष्ठ, टिपसन राई र अनिस सेवाले गोल गरेका थिए । वडा नम्बर १२ को लागि डेबिट चौधरी, सुसिल राई र अरुण मगरले गोल गरेका थिए । त्रियुगा एक्सप्रेस दैनिकबाट
