उपहार न्यूज
उदयपुर असार ११
त्रियुगा नगरपालिका ११ थरुहट रंगशालामा मंगलबारबाट सुरु दोस्रो उपमेयर गोल्डकप महिला फुटवल प्रतियोगीता सुरु भएको छ । प्रतियोगीताको उद्घाटन खेलमा डिडब्लु एफ.सि सुनसरी ५–० गोल अन्तरले हेटौडा फुटवल एकेडेमी मकवानपुरलाई पराजित गर्दै विजयी भएको छ ।
प्रतियोगीतामा धरानको लागि जिनु राईले १ गोल गर्न सफल भईन त्यसैगरी किरण लिम्बुले १, दिपा आले मगरले २र समिक्षा मगरले १ गरी ५ शुन्य गोल अन्तरले धरान विजयी भएको जिल्ला फुटवल संघ उदयपुरले जनाएको छ ।
नकआउट विधिबाट गराईने प्रतियोगीताको दोस्रो खेल बुधबार एभरेष्ट स्पोर्टिङ क्लब सुनसरी र गाईघाट फुटवल क्लब उदयपुर विच खेल हुनेछ । प्रतियोगीताको तेस्रो खेल असार १३ गते एनविवाईसि सप्तरी र धनकुटा जिल्ला फुटवल संघ विच हुने छ, असार १४ गते अन्तिम नकआउट बागमती युवा क्लब सर्लाहि र रोयल स्पोर्टिङ क्लब झापा विच प्रतियोगीता हुने आयोजक उदयपुर जिल्ला फुटवल उदयपुरका अध्यक्ष रन्जन कार्कीले जानकारी दिनु भयो । प्रतियोगीताको फाइनल खेल असार १८ गते थरुहट रंगशाला गाईघाटमा हुने भएको छ । प्रतियोगीताको मुख्य प्रायोजक त्रियुगा नगरपालिका रहेको छ त्रियुगा नगर युवा तथा खेलकुद विकास समिति गाईघाट संगको समन्वयमा आयोजना गर्न लागिएको प्रतियोगीतामा अखिल नेपाल फुटवल संघ एन्फाको समेत विशेष सहयोग रहेको आयोजकले जनाएको छ । प्रतियोगीताको बिजयीलाई नगद एक लाख दश हजार र दोस्रो पुरस्कार ५५ हजार रुपैया रहेको आयोजकले जनाएको छ । प्रतियोगीताको उद्घाटन त्रियुगा नगरपालिका नगर उपप्रमुख महेश्वरी राईले गर्नु भएको थियो । उद्घाटनमा त्रियुगा नगरपालिकाका जनप्रतिनिधि, सुरक्षा निकाय, विभिन्न क्षेत्रका सामाजिक अभियन्ता लगायतको उपस्तिथी रहेको थियो ।
