विराटनगर । कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक (डीआईजी) चन्द्रकुबेर खापुङको शब्द रचना रहेको गीत ‘अजम्बरी जीवन होइन’ सार्वजनिक भएको छ । गीतको भिडियो डिआर प्रोडक्सन युट्युब च्यानलबाट सार्वजनिक भएको हो । आलोक श्रीको संगीत रहेको गीतमा गायक उदय सोताङको स्वर रहेको छ ।
गीत दाजु स्वर्गीय त्रैलोक्य खापुङप्रति समर्पित गरिएको गीतकार खापुङको भनाइ छ । गीतको भिडियोमा सुरेश कोहली, स्मारिका ढकाल र रोशन बान्तावाको अभिनय रहेको छ भने साहस अमात्यले सहायक भूमिका निर्वाह गरेका छन्। दौलत राईको निर्देशन रहेको भिडियोलाई रामचन्द्र राईले छायांकन गरेका हुन् । भिडियोको सम्पादन दिन्सोन राई, श्रीङ्गार सुवास तिमल्सिना, सह निर्देशन पुनम श्रेष्ठ र प्रोडक्सन म्यानेजर आइक्याच स्टुडियोको रहेको छ ।
प्रतिक्रिया
सम्बन्धित समाचार
