सुमन सागर
बेलका कात्तिक २८
बेलका नगरपालिकाले बंगलादेशमा सम्पन्न भएको अन्डर १५ उमेर समुहको महिला साफ फूटबलमा बिजेता बनेका राष्ट्रिय टोलीका खेलाडिहरुलाई सम्मान गरेको छ । बेलका नगरपालिका स्थाई घर भएका दुई जना र झापा अर्जुनधार नगरपालिका घर भएकी १ जना खेलाडिलाई सम्मान गरेको हो । सम्मान कार्यक्रममा बेलका नगरपालिका नगर प्रमुख अशोक कार्कीले बेलका नगरपालिका स्थाई घर हुने समीक्षा मगर र दिपा मगरलाई जनही २५ हजारका दरले चेक हस्तान्तरण गर्नु भएको छ भने झापा घर हुने रेणु लिम्बुलाई ५ हजार नगदले सम्मान गरिएको छ ।
खेलाडिलाई काठमाडौ बाट बिराटनगर सम्म नगरकै खर्चमा विमान मार्फत ल्याइएको र बेलका ८ कोशी पुल बाट स्थानीयको बाक्लो उपस्तिथिमा फुलमालाले सम्मान गरि नगर परिक्रमा गरिएको थियो ।
खेलाडि र राष्ट्रका लागि खेल अत्यन्त महत्वपूर्ण रहेको छ । जसले र्गदा स्वास्थ्य राम्रो हुने गर्छ भने समाज विकास र अनुसाशित सब्य समाज निर्माणमा योगदान समेत पुर्याउने र्गछ । यहि हौसला स्वरुप सम्मान कार्यक्रम राखिएको नगर प्रमुख अशोक कार्किले बताए। राष्ट्रिय खेलमा बेलका नगरपालिका को खेलाडीले खेलेर जित हासिल गर्नु भएको छ । उहाँहरु नगरकै गहना हुनुहुन्छ।
खेल र खेलाडिको दिगो ब्याबस्थापनमा बेलका नगर सरकार सधै सकारात्मक रहेको र आगामी दिनमा हरेक बिधाका खेल र खेलाडिको संरक्षण गर्दै खेल क्षेत्रलाई अग्रणी रुपमा बिकास गर्ने समेत नगर प्रमुख कार्किले बताए।।
सम्मान कार्यक्रममा जिल्ला खेलकुद बिकास समितिका अध्यक्ष पर्वत दाहाल लगायत स्थानिय बासिको बाक्लो उपस्तिथि रहेको थियो।
