उपाहार न्यूज
उदयपुर भाद्र २४
गाईघाटबाट व्यवसायीक फुटबल खेल्दै आएका खेलाडिहरुले स्थापना गरेको गाईघाट युनाईटेड फुटबल क्लबले सुखद यात्रा प्रारम्भ गरेको छ । सिराहमा आयोजना गरिएको स्व. बोधनारायण यादब प्रथम स्मृती फुटबल प्रतियोगीताको उद्घाटन खेलमा रियल स्टार फुटबल क्लबलाई चार एक गोल अन्तरले पराजित गर्दै युनाईटेडले सुखद यात्रा प्रारम्भ गरेको हो ।
जित संगै युनाईटेड खेलको सेमिफाईनलमा प्रवेश गरेको छ । गाईघाट युनाईटेडको लागि शिशिर लेखीले १ गोल, अर्जुन रानाले २ र सरोज राउतले १ गोल गर्न सफल भएका थिए । प्रतियोगीतामा युनाईटेडकै सरोज राउत म्यान अफ दि म्याच घोषित भएका थिए । गाईघाट युनाईटेडको स्थापना पछिको पहिलो खेलमै सफता प्राप्त भए पछि खेलाडिहरु उत्साहित भएको टिम व्यवस्थापक सरोज श्रेष्ठले बताए । गाईघाट युनाईटेडमा विभिन्न क्लबहरुबाट व्यवसायीक फुटबल खेलिरहेका खेलाडिहरु सहभागी छन् ।
