लिम्चुङबुङ असार ४
उदयपुरको लिम्चुङबुङ गाउँपालिका १ बाँसबोटेका दुई किशोर बेपत्ता भएका छन् । उदयपुर र खोटाङ सिमाना भएर बग्ने सुनकोशी नदीमा डुवेर सोही वडाको बुत्कु माध्यमिक विद्यायलका अध्यनरत १६ वर्षीय देवकुमार राई र १४ वर्षीय प्रविन राई बेपत्ता भएका हुन्। उनिहरु माछा मार्ने क्रममा सुनकोशी नदीमा बेपत्ता भएको स्थानीय बुत्कु माविका शिक्षक शिवराम राईले बताउनुभयो । उहाँका अनुसार आज बिहान ७ बजेको समयमा माछा मार्ने क्रममा डुबेर बेपत्ता भएपछि गाउँलेहरू खोजी कार्य जारी राखेको छ । प्रहरीलाई जानकारी गराइएको र प्रहरी घटनास्थलतर्फ जाँदै गरेको लिम्चुङबुङका वडा सदस्य गुरुमणी कुमाईले बताउनु भयो । देवकुमार एसइई दिएर बसेका विद्यार्थी हुन भने प्रवीन कक्षा ९ मा अध्ययनरत विद्यार्थी भएको बताईएको छ।
प्रतिक्रिया
सम्बन्धित समाचार
