उपहार न्यूज
उदयपुर असार १३
उदयपुरको गाईघाटमा जारी दोस्रो उपमेयर गोल्डकप फुटवल प्रतियोगीताको तेस्रो दिनको खेलमा एनविवाईसि सप्तरीले धनकुटा जिल्ला फुटवल संघलाई एक शुन्य गोल अन्तरले पराजित गर्दै बिजयी भएको छ । प्रतिस्पर्धात्मक खेलको पहिलो हाफमा सप्तरीको लागि सुस्मा राईले गरेको गोल निर्णायक बन्दा धनकुटा माथि सप्तरीले जित निकाल्न सफल भएको हो प्रतियोगीताको म्यान अफ द म्याच गोलकर्ता सुस्मा राई भएकी छिन ।
प्रतियोगीता अन्तर्गत असार १४ गते शुक्रबार अन्तिम नकआउट बागमती युवा क्लब सर्लाहि र रोयल स्पोर्टिङ क्लब झापा विच प्रतियोगीता हुने आयोजक उदयपुर जिल्ला फुटवल उदयपुरका सदस्य तथा प्रतियोगीताका म्याच कमिस्नार राजन राईले जानकारी दिनु भयो । प्रतियोगीताको फाइनल खेल असार १८ गते थरुहट रंगशाला गाईघाटमा हुने भएको छ । प्रतियोगीताको मुख्य प्रायोजक त्रियुगा नगरपालिका रहेको छ त्रियुगा नगर युवा तथा खेलकुद विकास समिति गाईघाट संगको समन्वयमा आयोजना गर्न लागिएको प्रतियोगीतामा अखिल नेपाल फुटवल संघ एन्फाको समेत विशेष सहयोग रहेको आयोजकले जनाएको छ । प्रतियोगीताको बिजयीलाई नगद एक लाख दश हजार र दोस्रो पुरस्कार ५५ हजार रुपैया रहेको आयोजकले जनाएको छ ।
