उपाहार न्यूज
उदयपुर भाद्र २१
आसन्न प्रदेश तथा स्थानिय तहको निर्वाचनको लागि यतिवेला गठबन्धन दल तथा प्रतिपक्ष एमालेले आफ्नो उम्मेदवारको नाम प्रदेश तथा केन्द्रिय समितिलाई सिफारिस गर्न सुरु गरेको छ । उदयपुर दुई प्रतिनिधि सभा र चार प्रदेश सभा निर्वाचनको लागि आगामी मंसीर ४ गते निर्वाचन हुदै छ ।
प्रदेश सभा १ (क) मा यतिवेला माओवादी केन्द्रबाट युवा नेता मनोज तामाङको नाम प्रत्यक्ष तर्फ सिफारिस भए संगै स्थानिय युवाहरु उत्साहित भएका छन् । युवाहरु माझ लोकप्रिय युवा नेताको छबि बनाउन सफल भएका तामाङ २०७४ सालको स्थानिय तहको निर्वाचनमा उदयपुरको बेलका नगरपालिका वडा नम्बर ४ मा वडा अध्यक्ष र २०७९ को निर्वाचनमा नगर उपप्रमुखको उम्मेदवार भएका थिए ।
नेकपा हुदा र हाल माओवादी केन्द्रको समेत वेलका नगर सभापती रहेका तामाङ आफु उम्मेदवार भए सहज जित हासिल गर्न सक्ने विश्वास रहेको बताउछन् । युवा नेता तामाङ संगै उदयपुर १ (क) बाट माओवादीले राजन किराती, मणि खम्बु र रमण भट्टराईको नाम समेत प्रदेश सभाको प्रत्यक्ष तर्फ सिफारिस गरेको छ ।
