उपाहार न्यूज
उदयपुर चैत १९
नेपाल निजामती कर्मचारी युनियन उदयपुरको आयोजनामा शनिवार गाईघाटमा संघियतामा सेवा प्रवाह बिषयक प्रशिक्षण एवंम अन्तरक्रिया कार्यक्रम सम्पन्न भएको छ । गाईघाट स्थित होटल ग्रीन प्यालेसमा आयोजित कार्यक्रममा कर्मचारी युनियन आबद्ध जिल्लाका विभिन्न कार्यालयका कर्मचारीहरुको सहभागीता रहेको थियो । कार्यक्रममा वागमती प्रदेशका प्रमुख सचिव मुकुन्द प्रसाद निरौला, नेपाल सरकारका सह सचिव लक्ष्मी प्रसाद पौडेलले सहभागीहरुलाई प्रशिक्षण गर्नु भएको थियो ।
कार्यक्रम नेपाली कांग्रेस उदयपुरका पार्टी सभापती तथा प्रदेश नम्बर १ का भौतिक पूर्वाधार विकास मन्त्री हिमाल कार्कीको प्रमुख आतिथ्यता तथा कर्मचारी युनियन प्रदेश नम्बर १ का अध्यक्ष एवंम केन्द्रिय उपाध्यक्ष मान बहादुर वनको विशेष आतिथ्यतामा सम्पन्न भएको थियो । कार्यक्रममा नेपाली कांग्रेस प्रदेश नम्बर १ का सह महामन्त्री विनोदकुमार बस्नेत, कांग्रेस जिल्ला उप सभापती भिमचन्द्र राई, त्रियुगा नगरपालिकाका उप प्रमुख देवी चौधरी, कर्मचारीहरुको आधिकारिक ट्रेड युनियनका अध्यक्ष देवराज कोइराला लगायतको उपस्तिथी रहेको थियो ।
