किरनप्रसाद ढुंगाना
देउरी फागुन २८
उदयपुर सिमेन्ट उधोग लिमिटेडको पहलमा एम्बुलेन्स सहित करिब ३० लाख बराबरको ल्याब उपकरण सामग्री त्रियुगा नगरपालिका ५ रहेको देउरी स्वास्थ्य चौकिलाई एक कार्यक्रमका बिच हस्तान्तरण गरिएको छ ।
सगरमाथा ईन्सुरेन्स, माछापुच्छ्रे बैंक लगायतका सहयोगी संस्थाहरुले उक्त सामग्री त्रियुगा नगरपालिकाका नगर प्रमुख बलदेब चौधरी मार्फत स्वास्थ्य चौकी ब्यबस्थापन समितिका अध्यक्ष एवम वडा अध्यक्ष उद्दब बहादुर थापालाई हस्तान्तरण गरिएको हो ।
शनिवार विहान आयोजित हस्तान्तरण कार्यक्रममा स्वागत गर्दै उदयपुर सिमेन्ट उधोग लिमिटेडका महा प्रबन्धक गोपिकृष्ण न्यौपाने ज्युले उधोगबाट निस्किने धुवा धुलोबाट प्रभावित रहेका त्रियुगा नगरपालिकाका वडा न ४,५,६,७,८,९,१० का स्थानिय बासिन्दा र उद्योग परिसरमा रहेका उद्योगका कर्मचारिहरुमा स्वास्थ्य सेवाको सहज पहुँचको लागि देउरी स्वास्थ्य चौकिलाई एम्बुलेन्स र ल्याब सामाग्री सहयोग गरिएको बताउनु भयो । उद्योगले बर्षेनि उद्योगबाट प्रभावित क्षेत्रका बासिन्दाको स्वास्थ्य , सिक्षा र पुर्वाधार बिकासका लागी प्रती बोरा २ रुपैया ५० पैसाका दरले करिब ५० लाख नगरपालिकालाई छुट्याइएको समेत महा प्रबन्धक न्यौपानेले जानकारी दिनु भयो । कार्यक्रममा उद्योगले आ.ब. २०७८/७९ को स्वीकृत बजेट्बाट रु ७ लाखको चेक समेत स्वास्थ्य चौकिलाई हस्तान्तरण गरेको छ ।
कार्यक्रमलाई सम्बोधन गर्दै त्रियुगा नगरपालिकाका नगर प्रमुख बलदेब चौधरीले देउरी स्वास्थ्य चौकिलाई नगर अस्पतालमा स्तरउन्नतिका लागि नगर समितिले स्वीकृत गरिसकेको र थप प्रक्रियाको लागि पहल भैरहेको जानकारी गराउनु भयोद । कार्यक्रममा सुभकामना मन्तब्य दिदै सगरमाथा इन्स्योरेन्सका कार्यकारी प्रमुख चंखी क्षेत्रीले उदयपुर पशु पालनको लागि पकट क्षेत्र भएकोले यहाँ पसु बिमामा जोड दिनुपर्ने बताउनु भयो । नेपाल सरकारले पशुबिमा बापतको प्रीमियम रकममा ८० प्रतिशत अनुदान दिने गरेकोले किसानले मात्र २० प्रतिशत रकम जोहो गरेमा जोखिममा बिमा बापतको रकम सजिलै प्राप्त गर्ने समेत उहाले जानकारी दिनु भयो ।
कार्यक्रममा माछापुच्छ्रे बैक लिमिटेडका प्रमुख कार्यकारी अधिकृत सन्तोष कोइराला, उदयपुर सिमेन्टका सन्चालक विशाल सापकोटा, देबि प्रसाद बराल, नरेश ढकाल, पदम दाहाल कृष्ण चन्द्र मन्डल , महेशलाल यादब, त्रियुगा नपा वडा न १६ का वडा अध्यक्ष मानबहादुर राई, महिला अधिकारकर्मी नजबुलखान (निलम) लगायत उदयपुर सिमेण्ट उद्योग महाशाखा प्रमुख, बिभागिय प्रमुख, सहयोगि संस्थाका प्रतिनिधि, संचारकर्मी र स्थानिय सेवा सेवाग्राहि तथा स्थानियहरुको उपस्थिति रहेको थियो ।
