सम्झाना तामाङ
उदयपुर बैशाख २७
उदयपुरमा आज त्रियुगा २५ जना कोरोना संक्रमित थपिए संगै उदयपुरमा संक्रमितको संख्या २३९ पुगेको छ । जिल्ला स्वास्थय कार्यालय उदयपुरका अनुसार त्रियुगा नगरपालिकाका १८ सहित आज २५ जना संक्रमित थपिएको जिल्ला स्वास्थ्य कार्यालय उदयपुरले जनाएको छ । उदयपुरमा हाल सम्म एक सय ४ महिला र एक सय ३५ पुरुष गरी २ सय ३९ जनामा कोरोना संक्रमण पुष्टी भएको छ ।
कोरोना संक्रमितको उपचारको लागि तयार गरिएको बेल्टार स्थित कोभिड अस्पतालमा हाल २१ जनाले उपचार गराईरहेको अस्पताल इन्चार्ज तेज बहादुर पोख्रेलले जानकारी दिनु भयो । यता कोभिड संक्रमित ३ जनालाई कोसी अस्प्ताल विराटनगर रेफर गरिएको र बाकी होम आईसुलेसनमा रहेको जिल्ला अस्पताल उदयपुरका प्रमुख मोहन सुवेदीले जानकारी दिनु भयो ।
हालसम्म महिला दुई र पुरुष एक गरी तीन जनाले कोरोना जितेर घर फर्किएका छन् भने दुई महिला र दुई पुरुष गरी चार जनाको कोरोनाकै कारण ज्यान गएको छ ।
