उपाहार न्यूज
उदयपुर फागुन २९
धार्मिक तथा पर्यटकीय स्थलको रुपमा विकास गरिदै त्रियुगा शान्तिधामलाई बाबरी सामुदायीक वन उपभोक्ता समुहले सहयोग हस्ताणतरन गरेको छ । शनिवार त्रियुगा नगरपालिका १२ स्थित त्रियुगा शान्ति धाम तथा बैदिक गुरुकुल संचालनको लागि बाबरी सामुदायीक वन उपभोक्ता समुह त्रियुगा नगरपालिका १० बोक्सेले आर्थिक तथा विभिन्न खाद्यन्न सहयोग उपलब्ध गराएको हो । शान्ति धामको रुपमा स्थापित केन्द्रमा थप सहयोग पुग्ने अपेक्षाका साथ सामुदायीक वनले २० हजार पच्चीस रुपैया नगद, ६० केजी चामल तथा एक ट्याक्टर दाउरा सहयोग गरेको छ ।
सामुदायीक वनका अध्यक्ष अभिमन्यु खड्काले शान्ति धाम केन्द्रका कोषाध्यक्ष बद्रि बस्नेत, शान्ति धाम अभियानकर्मी जागेश्वर साह लगायको उपस्तिथीमा सहयोग हस्ताणतरन गरेको हो । सामुदायीक वनले आफ्ना उपभोक्ताका हक हितका साथै विभिन्न सामाजिक अभियान संचालन गर्ने क्रममा सहयोग गरेको सामुदायीक वनका अध्यक्ष अभिमन्यु खड्काले जानकारी दिनु भयो ।
सामुदायीक वनले विगतमा पनि जाडोको समयमा निःशुल्क दाउरा वितरण, विपन्न परिवारहरुलाई खाद्यन्न सहयोग लगायतका कामहरु गर्दै आएको अध्यक्ष खड्काले जानकारी दिनु भयो । धार्मिक पर्यटकीय स्थलको रुपमा विकास गरिदै आएको शान्ति धाम निर्माणमा बाबरी सामुदायीक वनको सहयोग सराहनीय रहेको शान्तिधाम अभियानकर्मी जागेश्वर साहले जानकारी दिनु भयो । डिभिजन वन कार्यालय उदयपुरका साहयक वन अधिकृत समेत रहेका साहका अनुसार शान्ति धाममा अन्य विभिन्न सामुदायीक वनले पनि सहयोग उपलब्ध पु¥याउदै आएको बताउनु भयो
