उपाहार न्यूज
उदयपुर श्रावण २०
जिल्ला प्रहरी कार्यालय उदयपुर जिल्ला भित्र हुने प्राकृतिक दोहन रोक्ने अभियानमा लागि परेको छ, जिल्ला भित्रका विभिन्न स्थानमा प्राकृतिक दोहन भैरहेको भन्ने जानकारीको आधारमा प्रहरीले सोमबार राती उदयपुर गढि ७ बाट अवैध रुपमा ढुंगा, गिटि दोहन गरिरहेको सात ट्याक्टर नियन्त्रणमा लिएको छ ।
रातको समयमा खोलाबाट अबैध रुपमा बालुवा, गिटी, ढुंगा चोरी निकासीको लागि लुकिछिपि रहेका सात ट्याक्टर नियन्त्रणमा लिइएको जिल्ला प्रहरी कार्यालय उदयपुरका प्रमुख प्रहरी उपरिक्षक भिम बहादुर दाहालले जानकारी दिनु भयो ।
प्रहरीले स १ त ४९८२, स १ त ४७११, स १ त ६९९४, स १ त ७४०० स १ त ५०२७, स १ त ७००९ र एक अन टेष्ट सहित ७ ट्याक्र नियन्त्रणमा लिएको प्रहरीले जनाएको छ । जिल्ला प्रहरी कार्यालय उदयपुकार प्रहरी निरिक्षकको कमाण्डमा रहेको टोलीले ट्याक्टर नियनत्रणमा लिएर आवश्यक अनुसन्धान भैरहेको जिल्ला प्रहरी कार्यालय उदयपुरले जनाएको छ ।
