उपाहार न्यूज
खोटाङ असार १०
खोटाङको दिप्रुङ चुइचुम्मा गाउँपालिकाले आगामी आर्थिक बर्षका लागि ५१ करोड ४२ लाख आठ हजार चौरत्तर रुपैया आठ पैसा बराबरको बजेट प्रस्तुत गरेको छ । बुधबार सम्पन्न सातौ गाउँसभामा निति तथा कार्यक्रम प्रस्तुत गर्दै गाउँपालिकाले उक्त बजेट प्रस्ताव गरेको हो । गाउँपालिका उप प्रमुख सपना राईले आगामी आर्थिक बर्षका लागि गाउँपालिकाको निति तथा कार्यक्रम प्रस्तुत गर्नु भएको थियो ।
पालिकाले आगामी आर्थिक बर्षका लागि आर्थिक विकास तर्फ पाँच करोड २९ लाख ७३ हजार सात सय ६४ रुपैया, पूर्वाधार तर्फ १० करोड ६ लाख ९४ हजार तीन सय १० रुपैया, सुशासन तथा अन्तरसम्बन्धित क्षेत्र तर्फ ६ करोड ९२ लाख तीन हजार दुई सय, सामाजिक विकास तर्फ २९ करोड १२ लाख आठ हजार बजेट बिनियोजन गरेको छ । गाउँपालिकाले शिक्षा, स्वास्थ्य, कृषि र कोरोना भाइरस ( कोभिड(१९) लाई विशेष प्राथमिकता दिई बजेट बिनियोजन गरेको छ ।
