उपाहार न्यूज
उदयपुर जेठ १९
त्रियुगा नगरपालिका वडा नम्बर १२ का वडाअध्यक्ष चुडाराज काफ्ले वडाअध्यक्षको जिम्मेबारी पाए संगै बिहिबार वडा कार्यालय प्रवेश गरेका छन् । अन्य वडामा विभिन्न किसिमले वडा अध्यक्षहरुले पदबहाली गर्दा त्रियुगा नगरपालिका वडा नम्बर १२ मा भने फरक दृश्य देखिएको थियो ।
वडा नम्बर १२ मा हिन्दु र मुस्लीम समुदायको परम्परा अनुसार हिन्दु वटुकहरुले स्वस्ती शान्ति र मुस्लीम समुदयाका चटियाहरुले कुरान पढे संगै वडा अध्यक्ष चुडाराज काफ्ले पदबाहाली गर्नु भएको छ । बुधबार गाईघाटमा नगर प्रमुख बसन्तकुमार बस्नेतबाट सपथग्रहण लिए संगै वडाअध्यक्ष काफ्ले बिहिबार पदबहाली गर्नु भएको हो ।
पदभार सम्हाल्दै वडाध्यक्ष काफ्लेले अफ्ना वडावासीहरुमा दिर्घ रोगी, मुटु रोगी र मिर्गौला पीडितहरुलाई बार्षिक २५ सय देखि ५ हजार अनुदान दिने निर्णय गरेका छन । नगरले समेत अख्तियार गरेको सामाजिक सुरक्षा भत्ता लिदै आएका बृद्धबृद्धा, अशक्त अपाङ्गहरुको सम्पुर्ण भत्ता घरघरमा पुर्याउने निर्णयलाई वडाले पनि अघि सारेको छ ।
वडा नम्बर १२ मा वडा अध्यक्ष काफ्ले संगै वडा सदस्यहरुमा लक्ष्मीनारायण चौधरी, दिलशेर अलिमिया, महिला सदस्यमा अनिता थापा र दलित महिला सदस्यमा रामकली विक निर्वाचित भएका छन् ।
