उपाहार न्यूज
उदयपुर बैशाख ११
उदयपुरमा स्थानिय तह निर्वाचनको लागि लिम्चुङबुङ गाउँपालिकामा गठबन्धन दलहरुले मेजरकुमार राईलाई साझा उम्मेदवारको रुपमा अघि सार्ने भएको छ । लिम्चुङबुङमा नेपाली कांग्रेस र माओवादी केन्द्र विच गठबन्धनमा मेजरकुमार राईलाई उम्मेदवार बनाउने गठबन्धनको निर्णय भएको हो ।
२०७४ सालको निर्वाचनमा माओवादी केन्द्रबाट जिल्लाका आठ पालिका मध्य राई एक मात्र जित हासिल गर्न सफल उम्मेदवार हुन् । गठबन्धनबाट माओवादी केन्द्रले उदयपुरका तीन पालिकामा प्रमुख पाएको छ । जिल्लाको रौतामाई गाउँपालिकामा विरेन्द्र आलेमगर, ताप्ली गाउँपालिकामा ढुंगराज विक अध्यक्षको उम्मेदवार हुने भएका छन् । उता उदयपुरगढि गाउँपालिकामा भने नेकपा एसबाट मान बहादुर केप्छाकी मगरलाई उम्मेदवार बनाउने गठबन्धनको निर्णय गरेको छ ।
चार गाउँपालिकामा तीनमा माओवादी र एक मा नेकपा एसलाई उम्मेदवार बनाउदै गर्दा चार गाउँपालिकाको उप प्रमुखमा भने नेपाली कांग्रेसले पाउने भएको छ । नेपाली कांग्रेसबाट लिम्चुङबुङ गाउँपालिकामा रमिला राई र पुष्पलाल राई मध्य एक, रौतामाई गाउँपालिकामा भुपेन्द्र थापा, उदयपुरगढि गाउँपालिकामा जित बहादुर खड्का, विमा राई र सिएम गुरागाई मध्य एक र ताप्ली गाउँपालिकाको उप प्रमुखको लागि भने धनम मगर, दिपकुमार रास्कोटी लगायतको आकाक्षी रहेको छ । चार गाउँपालिकाको उप प्रमुख सोमबार विहान सम्म तय गर्ने नेपाली कांग्रेसले जनाएको छ ।
