उपाहार न्यूज
उदयपुर माघ १४
एक बर्ष अघि निर्माण सुरु भएर सम्पन्न मुस्लीम समुदायको आस्थाको केन्द्रको रुपमा लिईने जामे मस्जिद उद्घाटन गरिएको छ । त्रियुगा नगरपालिका वडा नम्बर १२ स्थित स्थानिय मुस्लीम समुदायको आस्थाको धरोहरको रुपमा रहेको मस्जिद एक बर्ष अघिबाट पुन निर्माण सुरु भएको थियो ।
मस्जिद उदघाटन संयुक्त अरब इमिरेट्स युएइ दुबईका नेपाल राजदुत साहिद हमद अल्नाक्वी र प्रतिनिधि सभा सदस्य डा. नारायण खड्काले रिबन काटी उदघाटन गरिएको हो । उदघाटन सभालाई सम्बोधन गर्दै राजदुत अल्नाक्बिले भने नेपालको हिमनदिको पानी अरबमा ब्यबसाय गर्ने हो भने पनि आधा बिकास हुने दाबा गरे । अरबको तेल र नेपालको पानी दुबै देशको प्राकृतिक सम्पदा हुन उनले भने । छिटो बिकाशको लागि नेपालले पानीको सदुपयोगमा ल्याउनु पर्ने तर्क उनले राखे ।
निर्माण सम्पन्न मस्जिदलाई पुन एक तला थप गर्न समेत रकम सहयोग गर्ने उनले बताए । कार्यक्रममा प्रमुख अतिथि नेपाली काग्रेसका केन्द्रिय सदस्य तथा प्रतिनिधि सभा उदयपुर निर्बाचन क्षेत्र न १ का प्रतिनिधि सभा सदस्य डा.नारायण खड्काले भने (सन्सारको सानो देश भएपनी बिकासमा उच्च गतिशीलता बोकेको राष्ट्रको नामले परिचित युईएबाट प्राप्त सहयोग प्रति आभार प्रकट गर्नु भयो ।
दुबाई सरकारले नेपालको विभिन्न क्षेत्रको विकासमा सहयोग गर्दै आएको प्रति आभार प्रकट गर्नु भयो । ए । मस्जिद उदघाटन सभामा जिल्लाका प्रदेशा सभा सदस्य ,उपमेयर देवी चौधरी, लगायत जनप्रीतनिधि विभिन्न पार्टीका प्रमुख प्रतिनिधिहरुका उपस्थित रहेका थिए । त्रियुगा नगरपालिका १० का वडाध्यक्ष प्रकाश खडकाले संचालन गर्नु भएको कार्यक्रममा स्थानिय मुस्लीम समुदायको बाक्लो उपस्तिथी रहेको थियो । युएईको राजदुताबासको सहयोगमा एक तले सुविधा सम्पन्न मस्जिद निर्माण भएको र अझ माथिल्लो तल्ला समेत थप गर्न सहयोगका याचना राखिएको किस्मत अलिले जानकारी दिनु भयो ।
डा. नारायण खड्काको पहलमा मस्जिदले नया स्वरुप पाए पछि स्थानिय मुस्लीम समुदायहरु पनि हर्षित भएको स्थानिय कलिम अलिले बताए ।
